Անանուխի թեյի օգտակար հատկությունները

Հոտավետ անանուխի թեյը կարող են խմել բոլորը, բայց փոքրիկ երեխաներին պետք է տալ ավելի քիչ խտությամբ, քանի որ այն բարձր քանակությամբ մենթոլ է պարունակում:

Անանուխն օգտագործում են սննդի եւ դեղագործական արդյունաբերության, պարֆյումերիայի եւ թխվածքների, նաեւ խմիչքների արտադրության մեջ, գրում է Lady.mail.ru-ն:

Հին Հռոմում անանուխի ջրով ցողում էին սենյակները, սեղանները, համարելով, որ նրա բուրմունքը բարձրացնում է տրամադրությունը: Միջնադարում ուսանողներին խորհուրդ էր տրվում թարմ անանուխից պսակներ կրել, քանի որ համարվում էր, որ անանուխը խթանում է ուղեղի աշխատանքը:

Անանուխն օգտագործվում է նաեւ ժողովրդական ու պաշտոնական բժշկության մեջ: Անանուխի լուծույթ է առաջարկվում տեսողական խնդիրների դեպքում, նաեւ որպես հանգստացնող, ջերմիջեցնող, գլխացավի դեմ միջոց:

Հարցեր, պատասխաններ, մեկնաբանություններ